ନାଲ୍‌କୋର ପ୍ରଥମ ତ୍ରୈମାସ ଲାଭ ୬୮୭ କୋଟି

ଭୁବନେଶ୍ୱର : ରାଷ୍ଟ୍ରାୟତ୍ତ ଆଲୁମିନିୟମ କମ୍ପାନୀ(ନାଲ୍‌କୋ) ଚଳିତ ଆର୍ଥତ୍କ ବର୍ଷର ପ୍ରଥମ ତ୍ରୈମାସରେ ଫଳାଫଳ ଉନ୍ନତ ରହିଛି। ୨୦୧୭-୧୮ ଆର୍ଥତ୍କ ବର୍ଷର ଚତୁର୍ଥ ତ୍ରୈମାସ ଫଳାଫଳ ତୁଳନାରେ ଚଳିତ ବର୍ଷ କମ୍ପାନୀ ବେଶ ଭଲ ପ୍ରଦର୍ଶନ କରିଛି। ଗତ ଆର୍ଥତ୍କ ବର୍ଷ ଚତୁର୍ଥ ତ୍ରୈମାସରେ କମ୍ପାନୀ ୨୫୭ କୋଟି ଟଙ୍କା ଆୟ କରିଥିଲା। ମାତ୍ର ଚଳିତ ଆର୍ଥତ୍କ ବର୍ଷର ପ୍ରଥମ ତ୍ରୈମାସରେ କମ୍ପାନୀର ଆୟରେ ୧୬୭% ଅଭିବୃଦ୍ଧି ଘଟି ପ୍ୟାଟ ଆୟ ୬୮୭ କୋଟି ଟଙ୍କା ରହିଥିବା କମ୍ପାନୀ ସୂଚନା ଦେଇଛି। ଏହି ସମୟରେ କମ୍ପାନୀର ପରିଚାଳନାଗତ ଲାଭ ଦୁଇଗୁଣରୁ ଉର୍ଦ୍ଧ୍ୱ ରହି ୯୮୯ କୋଟି ଟଙ୍କା ରହିଛି। ଏହା ଗତ ବର୍ଷ ଚତୁର୍ଥ ତ୍ରୈମାସରେ ୩୬୨ କୋଟି ଟଙ୍କା ରହିଥିଲା। ଉକ୍ତ ସମୟ ମଧ୍ୟରେ କମ୍ପାନୀର ଆଲୁମିନା ଉତ୍ପାଦନ ୧୦.୭୪% ବୃଦ୍ଧି ଘଟିଥିବା ବେଳେ ଆଲୁମିନିୟମରେ ୮.୮୫% ଏବଂ ଶକ୍ତି ଉତ୍ପାଦନ ୫.୧୪% ଅଭିବୃଦ୍ଧି ରହିଥିବା କମ୍ପାନୀ ପକ୍ଷରୁ ସୂଚନା ରହିଛି। ଗତ ବର୍ଷ ଶେଷ ତ୍ରୈମାସ ତୁଳନାରେ କମ୍ପାନୀର ନେଟ୍‌ ଲାଭରେ ୪୩୩% ବୃଦ୍ଧି ଘଟିଛି। କମ୍ପାନୀର ଲାଭ ଏହି ସମୟରେ ୧୨୯ କୋଟି ଟଙ୍କାରୁ ୬୮୭ କୋଟି ଟଙ୍କା ରହିଛି। ଟିମ୍‌ କାର୍ଯ୍ୟ ଯୋଗୁ କମ୍ପାନୀ ଏଭଳି ସଫଳତା ହାସଲ କରିଛି ବୋଲି ନାଲକୋ ସିଏମ୍‌ଡି ତପନ କୁମାର ଚାନ୍ଦ କହିଛନ୍ତି। ସେହିଭଳି ଷ୍ଟ୍ରାଟେଜିକ ପ୍ଲାନ ସହ କଷ୍ଟ ଫୋସକ ଭଳି ବିଭିନ୍ନ ଯୋଜନାକୁ ପ୍ରାଥମିକତା ଦେଉଛି ବୋଲି ସେ ସୂଚନା ଦେଇଛନ୍ତି।

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>