ମାଲକାନଗିରି: ବହିଷ୍କୃତ ଲ୍ୟାମ୍ପ୍‌ସ କର୍ମଚାରୀଙ୍କୁ ପୁନଃ ନିଯୁକ୍ତି ଚକ୍ରାନ୍ତ

ମାଲକାନଗିରି: ମାଥିଲି ପୁଣି ଚର୍ଚ୍ଚାରେ ମାଲକାନଗିରି ଜିଲା ମାଥିଲି ବ୍ଲକ ସଦରସ୍ଥିତ  ଲ୍ୟାମ୍ପ୍‌ସ କାର୍ଯ୍ୟାଳୟ। ୨୦୧୫ରେ ଚାଷ ଋଣ ନାମରେ ଚାଷୀଙ୍କ ଅର୍ଥ ଆତ୍ମସାତ୍‌ ମାମଲାର ଅବିଛନ୍ଦି ନ ହେଉଣୁ ଏପଟେ ଏହି ଅଭିଯୋଗରେ ବହିଷ୍କୃତ ହୋଇଥିବା କର୍ମଚାରୀଙ୍କୁ ପୁନଃ ନିଯୁକ୍ତି ଦେବା ଚକ୍ରାନ୍ତ ଚାଷୀ ମହଲରେ ଅସନ୍ତୋଷର କାରଣ ପାଲଟିଛି। ଲ୍ୟାମ୍ପସ ପରିଚାଳନା ପରିଷଦ ସଦସ୍ୟଙ୍କ ଭୂମିକାକୁ ନେଇ ଏବେ ପ୍ରଶ୍ନ ଉଠୁଛି। ସମବାୟ ନିୟମକୁ ପରିଚାଳନା ପରିଷଦ କମିଟି ଖୋଲମଖୋଲା ଉଲ୍ଲଂଘନ କରୁଛି। ଅନ୍ୟପକ୍ଷରେ ବିଭାଗୀୟ ଉଚ୍ଚ କର୍ତ୍ତୃପକ୍ଷଙ୍କ ପରାମର୍ଶ ନ ଲୋଡି ମନ ମୁତାବକ ନିଷ୍ପତ୍ତି ନେବା ଚାଷୀଙ୍କ ସମସ୍ୟା ଉପରେ ଆଙ୍ଗୁଳି ଉଠୁଛି। କେତେକ ସ୍ବାର୍ଥନ୍ବେଷୀ ନେତାଙ୍କ ଅର୍ଥଲୋଭ ଯୋଗୁ ବହିଷ୍କୃତ ହୋଇଥିବା କର୍ମଚାରୀଙ୍କୁ ପୁଣିଥରେ ଲ୍ୟାମ୍ପ୍‌ସରେ ସାମିଲ କରିବାକୁ ଉଦ୍ୟମ ଚାଲୁଥିବା ଅଭିଯୋଗ ହୋଇଛି। ଗତ ବାର୍ଷିକ ସମବାୟ ସମିତିର ସାଧାରଣ ସଭାରେ ପୂର୍ବରୁ ଚାଷ ଋଣ ଅର୍ଥ ଆତ୍ମସାତ କରିଥିବା କର୍ମଚାରୀଙ୍କ ବିରୋଧରେ ରିକୋର୍ଟ ଉପସ୍ଥାପନା ପରେ ସମ୍ପୃକ୍ତ  କର୍ମଚାରୀଙ୍କୁ ବହିଷ୍କୃତ କରାଯାଇଥିଲା। ଚାଷୀ ସମର୍ଥନରେ ନିଜେ ପରିଚାଳନା ପରିଷଦ କମିଟି କର୍ମଚାରୀଙ୍କୁ ଏଜିବିରେ ବହିଷ୍କୃତ ଆଦେଶ ପାସ କରିଥିଲେ। ଅନ୍ୟପକ୍ଷରେ ଏହି ମାମଲା କୋର୍ଟରେ ବିଚାରାଧୀନ ଥିବାବେଳେ ବର୍ତ୍ତମାନ ସୁଦ୍ଧା କୌଣସି ପ୍ରକାର ରାୟ ଦିଆଯାଇନାହିଁ । ଏପରିସ୍ଥଳେ ଅର୍ଥ ଆତ୍ମସାତ୍‌ କରିଥିବା କର୍ମଚାରୀଙ୍କୁ ପୁନଃ ନିଯୁକ୍ତି ଦେବା ଖବର ପ୍ରକଟ ହେବା ପରେ ଚାଷୀ ମହଲରେ ଅସନ୍ତୋଷ ପ୍ରକାଶ ପାଇଛି। କର୍ମଚାରୀ ଚାଷୀଙ୍କ ମୁଣ୍ତରେ ଅଠାବୋଳି ଋଣ ଅର୍ଥ ଆତ୍ମସାତ୍‌ କରୁଥିବାବେଳେ ମାମଲା ନ ଛିଣ୍ତୁଣୁ ପୁନଃ ନିଯୁକ୍ତି ଦେବା ଚକ୍ରାନ୍ତ କେତେ ଦୂର ଯୁକ୍ତିଯୁକ୍ତ ବୋଲି ଚାଷୀମାନେ ମତପ୍ରକାଶ କରିଛନ୍ତି।  ଅନ୍ୟପକ୍ଷରେ ସମବାୟ ସମିତିର ସଭାପତି ଡମୁ ନାୟକଙ୍କୁ ଚାପ ପ୍ରୟୋଗ କରାଯାଉଥିବା ସେ କହିଛନ୍ତି । ନିୟମ ନ ଥିଲେ ମଧ୍ୟ ବହିଷ୍କୃତ ହୋଇଥିବା କର୍ମଚାରୀଙ୍କୁ ପୁନଃ ନିଯୁକ୍ତି କରିବାକୁ କେତେକ ବୋର୍ଡ ପରିଚାଳନା ସଦସ୍ୟ ଅଟଳ ରହିଛନ୍ତି। ସେମାନେ ବାଧ୍ୟ କରୁଥିବାରୁ ନିୟମ ବିରୋଧରେ ନିଯୁକ୍ତି ଦେଇ ନ ପାରି ଅଧିକ ଚାପ ପ୍ରୟୋଗ କଲେ ପଦବୀରୁ ଇସ୍ତଫା ଦେବି ବୋଲି ସେ ଗଣମାଧ୍ୟମ ସମ୍ମୁଖରେ କହିଛନ୍ତି। ଏ ନେଇ ମାଥିଲି ଲ୍ୟାମ୍ପ୍‌ସ ଏମଡି ପ୍ରଶାନ୍ତ କୁମାର ନାୟକ କହିଛନ୍ତି ଯେ , ବିଭାଗ ତରଫରୁ କୌଣସି ନିଯୁକ୍ତି ଦେବାକୁ ପତ୍ର ଆସିନାହିଁ । ବୋର୍ଡ କମିଟି ନିଯୁକ୍ତି କରିବାକୁ ବିଭାଗୀୟ ଅଧିକାରୀଙ୍କୁ ଜଣାଇଛନ୍ତି। କିନ୍ତୁ ବିଭାଗର ବରିଷ୍ଠ ଅଧିକାରୀ ଏହା ନିୟମ ବିରୋଧ ବୋଲି ସ୍ପଷ୍ଟୀକରଣ ଦେଇଥିବା ସେ କହିଛନ୍ତି। ବହିଷ୍କୃତ ହୋଇଥିବା କର୍ମଚାରୀଙ୍କୁ ପୁନଃ ନିଯୁକ୍ତି ଦେବା ସମ୍ପର୍କରେ କିଛି ଜାଣି ନ ଥିବା ମାଲକାନଗିରି ଏସ୍‌ଆରସିଏସ୍‌ ସୁଦର୍ଶନ ନାୟକ କହିଛନ୍ତି। ତେବେ ବୋର୍ଡ କମିଟି ନିୟମ ବିରୋଧରେ ଗଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଜୟପୁର ସମବାୟ ବିଭାଗ ତରଫରୁ ସୂଚନା ଦିଆଯାଇଛି। ଚାଷୀଙ୍କ ସ୍ବାର୍ଥକୁ ଦୃଷ୍ଟିରେ ରଖି  ଜିଲା ପ୍ରଶାସନ ଓ ସମବାୟ ବିଭାଗ ପକ୍ଷରୁ ପଦକ୍ଷେପ ନିଆଯିବାକୁ ଚାଷୀମାନେ ଦାବି କରିଛନ୍ତି।

Report by Suraj Behera

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Please wait...

Subscribe for News Updates

Want to be notified when our article is published? Enter your email address and name below to be the first to know.