‘ବାହୁବଳୀ-୨’ ପରେ ’ସାହୋ’ରେ ନିଜର କମାଲ୍‌ ଦେଖାଇବେ ପ୍ରଭାସ

‘ବାହୁବଳୀ-୨’ ସୁପରହିଟ ହେବାପରେ ଖୁବଶୀଘ୍ର ଆଉ ଏକ ନୂଆ ଫିଲ୍ମ ’ସାହୋ’ରେ ନଜର ଆସିବେ ପ୍ରଭାସ। ଫିଲ୍ମଟି ଚଳିତବର୍ଷର ସବୁଠାରୁ ବଡ ଫିଲ୍ମ ତାଲିକାରେ ସାମିଲ ହୋଇଛି। ଫିଲ୍ମର ଏକ ଗୁରୁତ୍ୱପୂର୍ଣ୍ଣ ୮ ମିନିଟ୍‌ର ଆକ୍ସନ୍‌ ଦୃଶ୍ୟ ଶୁଟିଂ ପାଇଁ ୭୦ କୋଟି ଟଙ୍କା ଖର୍ଚ୍ଚ ହୋଇଥିବା ଜଣାପଡିଛି। ନିକଟରେ ଫିଲ୍ମର ଟିଜର ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ରିଲିଜ କରାଯାଇଛି। ପାଓ୍ବାର ପ୍ୟାକ୍‌ଡ ଆକ୍ସନ ଫିଲ୍ମ ‘ସାହୋ’ରେ ପ୍ରଭାସଙ୍କ ସହ ଶ୍ରଦ୍ଧା କପୁର ନଜର ଆସିଛନ୍ତି। ୧ ମିନିଟ ୩୯ ସେକେଣ୍ଡର ଟିଜରରେ ଫୁଲ ଅନ ଆକ୍ସନ ଭରି ରହିଛି। ମେକର୍ସ ସମସ୍ତ ଚରିତ୍ରଙ୍କ ଲୁକରୁ ପର୍ଦ୍ଦା ଉଠାଇଛନ୍ତି। ‘ବାହୁବଳୀ-୨’ ପରେ ପ୍ରଭାସଙ୍କ ରିଲିଜ ହେଉଥିବା ଏହା ପ୍ରଥମ ଫିଲ୍ମ। ଏହାର ନିର୍ଦ୍ଦେଶନା ସୁଜିତ କରିଛନ୍ତି। ‘ସାହୋ’ରେ କେବଳ ପ୍ରଭାସ ନୁହେଁ ବରଂ ଶ୍ରଦ୍ଧା ମଧ୍ୟ ଆକ୍ସନ କରୁଥିବା ଦେଖାଯାଇଛି। ଫିଲ୍ମରେ ଶ୍ରଦ୍ଧାଙ୍କ ଭୂମିକା ପାଓ୍ବାରଫୁଲ ରହିଛି। ‘ସାହୋ’ର ଟିଜରକୁ ସୋସିିଆଲ ମିଡିଆରେ ଜବରଦସ୍ତ ରେସପନ୍ସ ମିଳିଥିଲା। ଫିଲ୍ମଟି ଚଳିତବର୍ଷ ଅଗଷ୍ଟ ୧୫ରେ ରିଲିଜ ହେବ। ପ୍ରଭାସ ଏବଂ ଶ୍ରଦ୍ଧାଙ୍କ ବ୍ୟତୀତ ଏହି ଫିଲ୍ମରେ ଜାକୀ ଶ୍ରଫ, ମନ୍ଦିରା ବେଦୀ ଆଦି ପମୁଖ କଳାକାର ନଜର ଆସିବେ।

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>