ବମିଖାଲ ଓଭରବ୍ରିଜ ନିର୍ମାଣରେ ଯେଉଁ ନେତାଙ୍କ ଟଙ୍କା ଲାଗିଛି, ତାଙ୍କୁ ଖୋଜାଯାଉ: ଦାମ

ପଣ୍ଡା ଇନଫ୍ରା ବମିଖାଲ ଓ ଜଟଣୀରେ ଓଭରବ୍ରିଜ ର୍ନିମାଣ କରୁଛି। ସେଥିରେ ଶାସକ ଦଳ ନେତାଙ୍କ ଟଙ୍କା ଲାଗିଛି ବୋଲି ଲୋକେ କହୁଛନ୍ତି। ଯେଉଁ ନେତାଙ୍କ ଟଙ୍କା ଲାଗିଛି ତାଙ୍କୁ ଖୋଜାଯାଉ ବୋଲି ବରିଷ୍ଠ ବିଜେଡି ନେତା ଦାମୋଦର ରାଉତ କହିଛନ୍ତି। ବମିଖାଲ ଓଭରବ୍ରିଜ ଭୁଶୁଡ଼ିବା ପ୍ରସଙ୍ଗରେ ରାଉତ କହିଛନ୍ତି ଯେ, ବମିଖାଲ ଓଭରବ୍ରିଜ ଯିଏ କରୁଛି ସେହି ସଂସ୍ଥା ଜଟଣୀରେ ବି ଓଭରବ୍ରିଜ ନିର୍ମାଣ କରୁଛି। ସେ ଜଟଣୀ ଯାଇଥିବାବେଳେ ନିମ୍ନମାନର କାମ ହେଉଥିବା ଅଭିଯୋଗ କରି ଲୋକମାନେ ତାଙ୍କୁ ଭିଡ଼ିଓ ଦେଖାଇଥିଲେ। ସେ ଭୁବନେଶ୍ୱର ଫେରିବା ପରେ ପୂର୍ତ୍ତ ସଚିବଙ୍କୁ ଏକଥା ଜଣାଇଥିଲେ। ପୂର୍ତ୍ତ ସଚିବ ମଧ୍ୟ ଏହାର ଅନୁଧ୍ୟାନ କରି ପଦକ୍ଷେପ ଗ୍ରହଣ କରିବେ ବୋଲି କହିଥିଲେ। କିନ୍ତୁ ବର୍ଷକ ପରେ ମଧ୍ୟ ସମାନ ଅଭିଯୋଗ ଶୁଣିବାକୁ ମିଳୁଛି। ଦାମ ଆହୁରି ମଧ୍ୟ କହିଛନ୍ତି ଯେ, ଯେଉଁ ସଂସ୍ଥା କଳା ତାଲିକାଭୁକ୍ତ ହୋଇଥାଏ ସେହି ସଂସ୍ଥାକୁ ଧଳା ହେବା ପାଇଁ ପରୀକ୍ଷାନିରୀକ୍ଷା କରିବାକୁ ପଡ଼େ। ଏ କ୍ଷେତ୍ରରେ ଯଦି ସେମିତି ହୋଇ ନ ଥିବ ତେବେ କେଉଁଠି ନା କେଉଁଠି ଚାପ ରହିଥିବ। ଠିକାସଂସ୍ଥାକୁ ଅନୁଗ୍ରହ କରିବା ପାଇଁ ଗଫଲତି ହୋଇଛି ବୋଲି ଦାମ କହିଛନ୍ତି।
ଧଳସାମନ୍ତ ବ୍ରଦର୍ସ ଲିଙ୍କ ନେଇ ଧର୍ମଶାଳା ବିଜେଡି ବିଧାୟକଙ୍କୁ ନୋଟିସ ସଂକ୍ରାନ୍ତରେ ସେ କହିଛନ୍ତି ଯେ, ଧଳସାମନ୍ତ ବ୍ରଦର୍ସଙ୍କ ସହ କିଏ ଘନିଷ୍ଠ ସମ୍ପର୍କ ରଖିଥିଲା ତାହା କଟକବାସୀ ଜାଣନ୍ତି। ଦାମଙ୍କର ଏଭଳି ମନ୍ତବ୍ୟ ପୁଣି ଥରେ ରାଜନୈତିକ ମହଲରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି।

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>