୨ ୱେବ୍‌ ଚ୍ୟାନେଲ୍‌ଙ୍କ ସମେତ ୩ ସାମ୍ୱାଦିକଙ୍କ ନାଁରେ ଥାନାରେ ମାମଲା ; ଚରିତ୍ର ସଂହାର ଅଭିଯୋଗ ଆଣିଲେ ଜିଲ୍ଲା ପରିଷଦ ସଦସ୍ୟା

ଧର୍ମଗଡ଼ : ସୋଶାଲ୍‌ ମିଡିଆରେ କଳାହାଣ୍ଡି ଜିଲ୍ଲା ଆମପାଣି ଜିଲ୍ଲା ପରିଷଦ ସଦସ୍ୟା ହେମାଙ୍ଗୀନି ହଂସଙ୍କ ଚରିତ୍ର ସଂହାର କରାଯାଇଛି। ତାଙ୍କ ବିରୋଧରେ ଆପତ୍ତି ଜନକ ମନ୍ତବ୍ୟ ଦିଆଯାଇଛି। ଏନେଇ ସେ ଆପମାଣି ଥାନାରେ ଲିଖିତ ଅଭିଯୋଗ କରିଛନ୍ତି। ଅଭିଯୁକ୍ତଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେ ଦାବି କରିଛନ୍ତି।

ଜିଲ୍ଲା ପରିଷଦ ସଦସ୍ୟା ହେମାଙ୍ଗୀନି ହଂସଙ୍କୁ ମଦୁଆଣି ବୋଲି ଆକ୍ଷେପ କରିବା ସହ ଵିଭିନ୍ନ ଅପମାନ ଜନକ ମନ୍ତବ୍ୟ ପ୍ରଦାନ କରାଯାଇଛି। ଯେଉଁ ଭିଡିଓ ସୋଶାଲ୍‌ ମିଡ଼ିଆରେ ଭାଇରାଲ ହୋଇଛି। ଭାଇରାଲ୍‌ ଭିଡିଓ ମୋବାଇଲ୍‌ରୁ ମୋବାଇଲ୍‌ ଘୂରି ବୁଲୁଛି। ଏ ସମ୍ପର୍କରେ ଶ୍ରୀମତୀ ହଂସ ଥାନାରେ ଲିଖିତ ଅଭିଯୋଗ କରିଥିଲେ। ପୁଲିସ ମାମଲା ରୁଜୁ କରି ୨ ୱେବ୍‌ ଚ୍ୟାନେଲ୍‌ଙ୍କ ସମେତ ୩ଜଣଙ୍କ ନାଁରେ ମାମଲା ରୁଜୁ କରିଛି।

ହେମାଙ୍ଗୀନି ହଂସ କହିଛନ୍ତି-“ମୋ ସମ୍ପର୍କରେ ଦୁଇଟି ଭିଡିଓ ଭାଇରାଲ୍‌ ହୋଇଛି। ଏଥିରେ ମୋ ଚରିତ୍ରକୁ ସଂହାର କରାଯାଇଛି। ଯାହା ମୋତେ ବ୍ୟଥିତ କରିଥିଲା। ସେଥିପାଇଁ ମୁଁ ଥାନାରେ ଅଭିଯୋଗ କରିଥିଲି। ମୋ ଚରିତ୍ର ସଂହାର କରିଥିବା ଦୁଇ ଚ୍ୟାନେଲ୍‌କୁ ବ୍ୟାନ୍‌ କରାଯାଉ। ଏହାଛଡ଼ା ଦୁଇ ସାମ୍ୱାଦିକଙ୍କୁ ଦଣ୍ଡିତ କରାଯାଉ।”

Facebook Comments

Leave a Reply

Your email address will not be published. Required fields are marked *